Беморхонаи «Никан-е Ғарб» яке аз муосиртарин марказҳои дармонии Эрон аст, ки бо меъмории нав, таҷҳизоти пешрафтаи тиббӣ ва истифода аз ботаҷрибатарин устодони тиб ва кадрҳои дармонӣ аз баландтарин стандартҳои тиббӣ бархурдор аст.

Ин беморхона узви гурӯҳи «Никан» буда, дар яке аз зеботарин минтақаҳои ғарби Теҳрон бо масоҳати ҳудуди 35 ҳазор метри мураббаъ ҷойгир шудааст. Ба туфайли дар канори шоҳроҳи Ҳиммат ҷойгир будан, дастрасии зуд ба фурудгоҳ ва ҳамҷаворӣ бо ду беморхонаи тахассусии чашми «Офтоб» ва беморхонаи сӯхтагӣ, инчунин мавҷудияти таваққуфгоҳ барои муроҷиаткунандагон, фазои истиқболи гуворо, кафетерия, тарабхона ва мағозаҳои сершумор, ба яке аз марказҳои маҳбуби дармонӣ табдил ёфтааст.

Ин беморхона дар 16 ошёна дорои 192 тахти бистарӣ, 19 утоқи ҷарроҳӣ ва бахшҳои ҷарроҳии дил ва «Кат-лаб», ҷарроҳии ҳозима ва коҳиши вазн, ҷарроҳии зебоӣ, ортопедӣ, урологӣ, гӯшу гулӯ ва бинӣ, ҷарроҳии мағзи сар ва аъсоб, занона ва зоиш, табобати безуриётӣ, блоки таваллуд (утоқҳои таваллуди бедард ва таваллуд дар об), бемориҳои ҳозима ва эндоскопӣ, бемориҳои нафаскашӣ ва шуш, бемориҳои дилу рагҳо, бахши VIP ва инчунин ёрии таъҷилӣ, дармонгоҳҳои тахассусӣ, маркази тавонбахшӣ, маркази тасвирбардорӣ, дандонпизишкӣ ва дорухона мебошад.

Тарҳи муосири бино ва фазоҳои дохилӣ, муҳити дилпазир ва самимӣ дар баробари кадрҳои ботаҷриба ва равиши бемормеҳвар, таҷрибаи гуворо ва ширинеро барои беморон ва ҳамроҳони онҳо дар муддати иқомат дар беморхона рақам мезанад.

Бахши беморони байналмилалӣ бо ҳузури пизишкон, ҳамшираҳои шафқат ва коршиносони мусаллат ба забонҳои англисӣ, арабӣ ва курдӣ ба сурати 24-соата омодаи пазириш ва хидматрасонӣ ба беморони дигар кишварҳо мебошад.